--Ads--
BAGUIO CITY – Agtaltalinaed a bassit ti bilang dagiti indibidual a gumatgatang iti karne ti baboy iti Baguio City public market gapu iti nangato a presyo daytoy.
Inaklon ni Bong Alvar, mangidadaulo iti meat section ti merkado publiko a nakapoy ti pamastrekan dagiti padana a vendors gaputa dandanin nga awanen ti gumatang iti karne ti baboy.
Patienna a maysa metlaeng a rason nu apay a naksayan ti kustomer dagitoy ket ti naingetan a border restriction iti nagbaetan ti BLISTT area a pakairamanan ti Baguio, La Trinidad, Itogon, Sablan, Tuba ken Tublay.
Gapu iti daytoy, iyap-apelana iti lokal a gobierno ti siudad ti panangpalukayda kadagiti border checkpoint tapnu saan a marigatan dagiti dealers a mangipatulod kadagiti suplay ti baboy.
