BAGUIO CITY – Dumanonen iti 3,292 manipud iti lokal ti nagparehistro iti opisina ti Commission on Elections – Baguio bayat a 101 ti nagparehistro iti ‘Register Anywhere Program’ manipud Pebrero 12 agingga iti agdama.
Iti interview ti Bombo Radyo kenni Atty. John Paul Martin, Election Officer iti Commission on Elections – Baguio, posible a nasurok 10,000 nga indibidual ti kabaelanda nga i-achieve inton sumarsaruno a bulan babaen iti tulong ti off-site registration iti nagduduma a barangay.
Malaksid iti dayta, manamnama a mailukat ti ‘mall voter registration’ iti maudi a dua a bulan ti voter registration.
Namnamaenna met nga adu ti makipaset iti wagas dagitoy partikular kadagiti estudyante ken dagiti mangmangged iti siudad a saan a makaawid iti probinsiya.//Bombo Marinel Rodrigo
