Ad-adda a ngimmato ti bilang dagiti Pilipino nga jobless wenno awanan trabaho iti umuna a bulan ti agdama a tawen.
Maibasar iti datus ti Philippine Statistics Authority, 2.15 million ti bilang dagiti unemployed nga agtawen iti sangapulo ket lima nga agpangato idi Enero 2024 manipud iti sigud a 1.60 million idi Disyembre dos mil baente tres.
Manipud iti 50.52 million a bilang nga addaan ti trabaho idi Disyembre dos mil baente ket bimmaba daytoy iti 45.94 million ita a tawen.
Inlawlawag ti ahensiya a ti panagngato ti bilang dagiti jobless ket gapu iti napalukayan a labor demand kasaruno ti “peak of seasonality” idi Disyembre dos mil baente tres.
Karaman kadagiti sektor a nakailista ti nababa a bilang dagiti empleyado ket ti wholesale and retail trade; repair of motor vehicles and motorcycles, agriculture and forestry, public administration and defense; compulsory social security, manufacturing, information and communication.
