BAGUIO CITY – Dumanonen iti 2, 942 ti pakabuklan a kaso ti COVID-19 manipod nangrugi nga agraira ti nasao a sakit ditoy syudad ti Baguio.
![](https://img.bomboradyo.com/baguio/2020/11/01-2.jpg)
Maibasar iti datos, dumanon iti 192 ti bilang dagiti aktibo a kaso iti agdama kalpasan a nailista ti 12 a kabarbaro a kaso idi kalman.
Malaksid iti dayta, nailista pay iti 21 a naimbagan ken maysa ti pimmusay gapu iti nasao a sakit.
Agtawen ti pimmusay iti 78, residente ti Camp 7 ken siguden a makapaspasar iti hypertension ken diabetes mellitus.
Kabayatanna, dumanonen iti 2, 709 ti pakabuklan a bilang dagiti naimbagan ditoy syudad bayat a 41 dagiti pimmusay.
Iti sabali a bangir, agtaltalinaed a nakalockdown ti 11 a lugar ditoy syudad.
Pakiramanan ti Purok 3, Lopez Jaena; Purok 5, Quirino Hill; Bayan Park Village; Purok 3, Malvar St., Aurora Hill Proper; Siapno Road, Pacdal; Purok 4, Pinget; Purok 1, 2 ken 3 ti Pinsao; Purok 6, Kias; Hangar St., Kayang, Hilltop; Purok 4 ken Ambuklao Road ti Gibraltra ken Purok 3, Outlook Drive.