BAGUIO CITY – Nanayonan iti lima dagiti pimmusay gapu iti COVID-19 ditoy Cordillera Administrative Region ita nga aldaw.
Maibasar iti report ti Department of Health-Cordillera, manipud iti bilang dagiti pimmusay, tallo ti nairekord iti Baguio City ken saggaysa sadiay Benguet ken Mountain Province.
Sigun iti ahensia, nairekord met ti 138 a kabarbaro a positibo a kaso idi kalman, no sadino, 76 ti manipud Benguet, 44 iti Baguio City, pito sadiay Mountain Province, lima sadiay Abra, uppat sadiay Ifugao ken dua sadiay Kalinga.
Nailista met ti 39 a recoveries wenno naimbagan, 21 ti manipud Benguet, walo sadiay Kalinga, pito iti siudad ti Baguio, ken saggaysa sadiay Abra, Apayao ken Mountain Province.
Iti agdama, dumanonen iti 6,134 ti pakabuklan a kaso ti COVID-19 iti Cordillera, 5,395 ti naimbagan, 670 dagiti aktibo ken 69 dagiti pimmusay gapu iti nasao a sakit.
