Bimmaba ti bilang dagiti uram a nirespundean ti Bureau of Fire Protection – La Trinidad manipud January agingga May 2025 nu idilig iti kapada a period idi 2024.
Sigun kenni Fire Senior Inspector Jeric Ramolete, La Trinidad Municipal Fire Marshal iti BFP La Trinidad, nirespondeanda ti 12 nga uram ita tawen nababbaba nu idilig iti 25 idi 2024.
Impannakelna a maysa a rason iti daytoy ket gapu iti ipatpatungpalda nga Information Education Campaign wenno IEC kadagiti nagduduma nga establishments iti nasao a munisipyo.
Naibinglayna a dumanon iti 43 IEC ti naisayangkatda ita a tawen nu ikumpara iti 12 idi napalabas a tawen.
Kinunana pay a nainget ti panangipaulogda iti fire safety, evaluation clearance ken fire safey inspection certificate kadagiti umili nga agtagikua iti establishment wenno pasdek sadiay La Trinidad.
Kabayatanna, naibinglay pay ti nasao nga opisyal a dumanon iti 59 a Vehicular Traffic Accidents ti nirespondeanda ita a tawen, nabbabbaba nu idilig idi napalabas a tawen a dumanon iti 68.//Bombo Gen
