Kasapulan ti disiplina iti time management, daytoy ti kinuna ni Cadet 2nd Class Arlyn Bangsoy, Cadete iti Coast guard academy sadiay Estadus Unidos.
Ni Bangsoy ket maysa kadagiti napagasatan a naipaayan iti gundaway a sinemrek iti US Coast Guard Academy kalpasan a nagtop-7 iti eksaminasion para iti scholarship.
Iti interview iti Bombo Radyo kenni Cadet 2nd Class Bangsoy, inaklonna a saan kas karina ti napadasanna sakbay a sinemrek iti nasao nga akademya.
Sigun kenkuanna, adda dagiti gundaway a pinanunutna ti agresign ngem inkeddengna nga ituloy tapno saan nga agbabawi iti udina no makitana dagiti batchmatena a nagballigi gaputa intuloyda dagitoy.
Nupay kasta, kinuna ni Bangsoy a kabaelanna ti training iti US Coast Guard Academy, gaputa dakkel a nakatulong para kenkuana ti immuna a trainingna iti Philippine Merchant Marine Academy (PMMA).
Kabayatanna, inyunay-unay ni Bangsoy nga ipangpangruna ti disiplina iti time management ken mentaly strong no sumrek iti academya malaksid iti Physical strength agsipudta, patienna a ti physical strength ket mabalin a mabuild up.
Malaksid iti dayta, kinuna ni Bangsoy nga inut-inut nga aramiden dagiti bambanag, agsipudta ti rigat ket agleppas metlaeng ngem dagiti panagballigi ken adal a magun-od kalpasan daytoy ket saan nga agpatingga.
Iti agdama, agtultuloy latta ti training ni Bansoy iti US Coast guard Academy ken naituding nga agsublida iti pagilian apaman nga agleppas tapno iyaplikarna dagiti inadalna sadiay.//mp4
“Best of luck sa mga nagbabalak na pumasok sa Try academy natin, just keep faith sa sarili ninyo na malalagpasan ninyo rin yan, like take the challenge one day at a time…kasi yung mga paghihirap matatapos din yan. Pero yung experience at opportunity na binigay sayo hindi matatapos”. – CADET 2ND CLASS ARLYN BANGSOY – US COAST GUARD ACADEMY
