CHINA – Maysa a carer ti nagmana iti lima a sanikua ti 81-anyos a lalaki idiay China.
Ni Ruan ket awanan pamilya malaksid iti kabsatna a babai nu sadino bayat ti panaglabas ti panawen ket nariknana nga agmaymaysa iti lubong.
Gapu iti dayta, kinasapulanna nga agbirok ti kadwana nga agaywan kenkuana agingga a matay.
Maysa a local village committee ti nangirekomendar kenni Liu.
Ni Liu ket addaan pamilya ken napintas ti reputasyonna iti nasao a village.
Karaman kadagiti nagtulagan dagitoy ket tawiden ni Liu ti sanikua ni Ruan kas subad metlaeng ti panagaywanna kenkuana.
Inaramid garud ni Liu ti kabaelanna a nagaywan iti nasao a lalaki nu sadino kadwana pay ti pamilyana a nangtaripato kenkuana.
Kabayatanna, idi pimmusay ni Ruan, nademolish ti sigud a pagtaenganna iti nasao a village ngem nakaawat daytoy ti compensation manipud Beijing.
Lima a sanikua idiay Beijing ti naawat ni Ruan nu sadino daytoy ket kukua ni Liu iti agdama.
Pinadas met ti kabsat ni Ruan nga alaen dagiti nasao a sanikua ngem saan nga impalubos ti korte gapu ta ni Liu ti nagay-aywan kenni Ruan iti uneg ti sangapulo ket dua a tawen sakbay a pimmusay daytoy.
