Innaganan ni International Criminal Court (ICC) Senior Trial Lawyer Julian Nicholls dagiti maatap a co-perpetrator ni sigud a president Duterte iti maatap nga extrajudicial killing bayat iti administrasyon daytoy.
Iti nasao a panagdengngeg, inpresenta ni Nicholls da Senator Dela Rosa a nagserbi kas Davao City Police Office Chief ken Senator Bong Go a nagserbi kas special assistant ni sigud a President Duterte kas co-perpetrators daytoy.
Dinakamat pay daytoy ni sigud a Davao City Police Chief Vicente Danao, sigud a National Bureau of Investigation (NBI) Davao Regional Director Dante Gierran,ken Atty. Vitaliano Aguirre II.
Patien ni Nicholls a saan nga agmaymaysa ni Duterte a nangipatungpal iti nasao extrajudicial killing.
Kagiddan daytoy, imparang ni Nicholls iti nasao a hearing ti chain of command ti maatap a Duterte Death Squad.
Maipalagip a maakakusaran ni sigud a President Duterte iti tallo a bilang ti crimes against humanity (murder ken attempted murder) gapu iti war on drugs campaign daytoy.
Naituding met ti panagtuloy ti panangdengngeg ita nga aldaw iti alas-singko ti Philippine Standard Time. //BomboKCS
