Agladladingit ti Commission on Elections Cordillera gapu iti ipupusay ni Atty. Ricardo Lampac, ti agdama a Provincial eletion supervisor sadiay Kalinga.
Iti panakiuman ti Bombo Radyo kenni Atty. Julius Torres, Regional Director ti Commission on Elections Cordillera, kinunana a kagiddan ti ipupusay ni Atty. Lampac ket awan pay ti nadutukan kas officer-in-charge sadiay Kalinga.
Ngem, inrekomendarda ni Atty. Gustavo Dalen, election officer sadiay Tabuk City, Kalinga kas sumaruno a Provincial eletion supervisor ti Kalinga.
Maipalagip a ni Atty. Lampac ti Provincial Election Supervisor ti Mt. Province ken gapu iti reassignment a napasamak kadagitoy para iti 2025 National ken local elections ket nadestino daytoy sadiay Kalinga.
Naituding a ti panagsubli dagiti nare-assign nga opisyales ti Commission on Elections Cordillera para iti original assignment dagitoy ket inton Hunyo a trenta iti agdama a tawen kas panagsaganada para iti registration ti Barangay ken Sangguniang Kabataan elections a mangrugi inton Hulyo a uno iti agdama a tawen.
