Nakagastosen ti Commission on Elections (Comelec) iti agarup P8 billion para iti 2026 Barangay at Sangguniang Kabataan Elections (BSKE).
Naituding ti nasao nga eleksyon intun Nobiembre 2026 ngem naisingasing ti pannakasurpinder manen daytoy.
Sigun kenni Comelec Chair George Garcia, dakkel gatad ti pondo ti komisyon ti nagastos para iti election paraphernalia kas iti pannaka-imprenta ti balota.
Iti agdama, adda ti nabatbati nga P11 billion a pondo para iti honoraria dagiti mannursuro nga agserbi iti eleksyon, pondo para iti training dagitoy, ken maaramat iti deployment dagiti kagawaan para iti eleksyon.
Kabayatanna, naituding a talantanen intun sumaruno a lawas ti naisingasing a pannakasuspinder ti BSKE 2026.
Impeksa ni Chairman Garcia a dumar-ay tapno maipasigurado a nakasagana ti komisyon para iti nasao nga eleksyon.
Sigun kenni Garcia, ituloyda nga agsagana agingga a saan paylaeng a nakanselar ti eleksyon.
Maibasar iti datos ti COMELEC, dumanon iti agarup 70 million a Pilipino ti kualipikado nga agbotos iti BSKE 2026.