Nainget a pagsagsaganaan ti Department of Education Cordillera ti back back hosting dagitoy iti Cordillera Administrative Region Athletic Association wenno CARAA a maisayangkat intun maudi a lawas ti Pebrero.
Iti agdama ket madama nga ior-organisa dagiti Deped officials dagiti playing venues ken billeting areas para iti delegasyon ti lima a probinsya ken dua a suidad a makipaset iti tinawen a sports tournament.
Immuna metten a naisayangkat dagiti meetings iti tunggal sports coordinator para iti nasayod a panagsangpet dagiti rinnibribo nga atleta, coaches ken local officials manipud iti nagduduma a paset ti Cordillera.
Naikoordinar metten iti La Trinidad Municipal Police Station para iti seguridad ken panangipatungpal ti nainget a curfew.
Manamnama a dumanon iti agarup inem a ribo ti makipaset iti CARAA nu sadino ket agtaltalinaed ti Baguio City kas defending champions.//jrt
