BAGUIO CITY – Nakasaganan ti Cordillera Football Club Association para iti ay-ayamda iti first division iti Under 19 Boys National Championship sadiay Bacolod City inton alas singko ti malem, ita nga aldaw.
Iti interview ti Radyo kenni Gatan Dalang, coach iti Cordillera Region Football Club Association Inc., nakwalipikar ti football team ti rehiyon para iti first division nu sadino makaay-ayamda ti bunggoy ti National Capital Regional Football Association.
Sigun iti nasao a coach, nag-ensayo dagiti atleta iti kapodotan kas paset ti panagsaganada ken tapno masanayda iti klima iti nasao a lugar.
Kumpiyansa pay daytoy nga adda dagiti players ti rehiyon iti lebel ti makalabanda gapu ta agtultuloy ti panagdur-as ti football ditoy siudad.
Namnamaen met ni Dalang a napintas ti performance dagiti players kontra iti makaay-ayamda ita nga aldaw tapno napintas met ti panagrugi dagitoy iti nasao a competition.
Kabayatanna, ti bunggoy ket buklen ti Baguio City Football Club players nu sadino majority kadagiti player ket manipud Baguio City National High School players ken dua nga atleta manipud University of Cordilleras.
Mainaig iti dayta, majority kadagiti players iti football club ket makipaset iti mapadpadaanan a Palarong Pambansa sadiay Cebu ita a tawen.//Bombo Marinel Rodrigo
