Impasigurado ti Department of Health nga awan ti rumbeng a pagdanagan iti baro a COVID-19 variant XEC a mangpatpataud iti panagngato dagiti kaso sadiay Germany.
Sigun kenni Health Assistant Secreatry ken Spokesman Albert Domingo, awan paylaeng ti naduktalan a XEC variant iti pagilian iti agdama.
Nupay kasta, kinuna ni Domingo a posible a sinumrek iti pagilian ti nasao a variant ngem saan a nangitunda iti panagraira daytoy kas iti Covide-19 idi napalpalabas a tawen.
Innayun ni Domingo nga awan pay ti ebidensia dagiti eksperto a pakaigapuan iti nakaro nga impeksion ti XEC.
Nupay kasta, mabalin latta a boluntario nga agusar iti face mask dagiti tattao kas preventive measure.
Maipalagip a nadiskobre ti XEC variant sadiay Germany idi Agosto ken nagbalin a JN.1 variant, nu sadino 13 percent ti kinaadu daytoy kadagiti amin a kaso ti COVID-19 sadiay.
