--Ads--
Inlawlawag ti Ministry of Justice ti Czech Republic nga awan ti anyaman nga extradition proceedings kontra kenni sigud nga Ako Bicol party-list Representative Elizaldy “Zaldy” Co.
Sigun iti Czech Republic, awan ti naawatda ken awan ti naipila a pormal nga extradition case kontra iti asinoman a Filipino citizen.
Daytoy ti kinuna ti nasao a pagilian kabayatan ti panagtataripnong iti nagbaetan ti delegasyon ti Czech ken Pilipinas nga indaulwan ni Acting Justice Secretary Fredderick Vida.
Nupay kasta, napagnumuan nga adalenda ti posibilidad a pannakabukel ti maysa a bilateral treaty tapno ad-adda a mapapigsa ti police cooperation iti nagbaetan ti Pilipinas ken Czech Republic.
