BAGUIO CITY – Mapaspasaranen ti panagkurang ti suplay ti danum iti Benguet State University Strawberry farm ngem gapu kadagiti irrigation ket nakatulong para iti panakaurnong ti danum manipud iti tudo.
Iti interview ti Bombo Radyo kenni La Trinidad Mayor Romeo Salda, kinunana a impadarasda ti panakaaramid ti P25-million irrigation project iti Department of Agriculture nga aramaten dagiti mannalon.
Nupay kasta, immunan a naiwaras ti tangke idiay Pico, Puguis ken Betag a pakaikonekan ti water source nga agturong iti strawberry farm.
Rotation met ti panakaaramat ti irrigation para iti panagsibog kadagiti strawberry.
Kabayatanna, schedule metlaeng ti panakaideliver ti danum kadagiti residential houses idiay La Trinidad, Benguet.
Malaksid iti dayta, dagiti water refilling station ti mangipapaay ti suplay ti danum kadagiti lugar a saan a madanon partikular dagiti babbalay nga adda iti nangato a lugar.//Bombo Marinel Rodrigo
