--Ads--
BAGUIO CITY – Dumanon iti nasurok P1-M ti danyos iti panaka-uram ti Katipunan Inn a masarakan sadiay Kalantiao Street, Baguio City itay laeng nabiit.
Sigun iti Bureau of Fire and Protection – Baguio, karaman kadagiti nauram dagiti nagduduma a dry goods a naikarga iti stock room ti nasao a pasdek.
Nupay kasta, agtultuloy latta ti imbestigasyon dagiti bombero tapnu maamuan ti nagtaudan ti uram.
Maipalagip a nangrugi ti uram iti pangaldaw ken nasebseban kalpasan ti nasurok dua nga oras.
Naamuan a ti Katipunan Inn ket maysa a daan a pasdek nga agserserbi a balay paginuman, inn ken boarding house.
Nailista met ti maysa a kaso ti panakadunor kabayatan ti insidente.
