Dumanonen iti P104.8 million ti danyos ti Mt.Kanlaon iti sektor ti agrikultura, sigun iti Office of Civil Defense (OCD).
Sigun kenni Office of Civil Defense spokesperson Director Edgar Posadas dagiti kangrunaan a naapektaran iti daytoy ket dagiti lugar iti Region 6, wenno iti Western Visayas Region, ken iti Region 7 wenno iti Central Visayas Region.
Kaaduan kadagiti naapektaran iti sektor ti agrikultura ket dagiti high-value crops kas iti carrots, onion, bawang, kalabasa ken bitter melon a dumanon iti 3,890.5 metric tons, pakairamanan ditoy ti pagay, mais, livestock ken poultry.
Malaksid iti dayta, nailista metlaeng dagiti 118 nga ayup a mapukpukaw pakairamanan dagiti baka, nuang, kalding, kabalyo ken swine.
Kabayatanna, nangipaay met dagiti maseknan nga opisyal iti P11.346 million a tulong para kadagiti naapektaran nga indibidual.
Iti agdama, agtaltalinaedl latta ti Mt. Kanlaon iti Alert Level 2 wenno moderate level ti volcanic unrest.
Malaksid iti dayta, agtaltalinaed met ti Canlaon City ken ti La Castellana idiay Negros Occidental iti state of calamity gapu epekto nga intunda ti panagbettek ti Mt. Kanlaon idi Hunyo a tres.//Rose
