--Ads--
Dumanonen iti 85 nga indibidual ti pimmusay gapu iti panagdalapos ni bagyo a Kristine, sigun iti National Disaster Risk Reduction and Management Council (NDRRMC) idi kalman.
Malaksid iti dayta, dumanon iti 70 nga indibidual ti nadangran ken 41 a katao ti mapukpukaw.
Iti panagdalapos ni bagyo a Kristine, agarup 1.2 million a pamilya ti naapektaran iti intero a pagilian nu sadino agarup 24-K nga indibidual ket nagbakwit.
Nailista met laeng ti panaglayos kadagiti 584 a nagduduma a lugar iti pagilian kasta met a walo pulo ket uppat a siudad ti naipasidong iti state of calamity.
Kabayatanna, dakkel met laeng ti nagbalin nga epekto daytoy iti sektor ti agrikultura.
