--Ads--
Inlawlawag ti Department of Health (DOH) nga awan basaran ti agwarwaras a damag seknan iti emergency lockdown iti pagilian gapu iti baro a COVID-19 variant nga “Cicada”.
Binalaagan ti nasao nga ahensiya a saan a makipaset iti panangiwaras ti saan a pudno a damag ken mangala laeng ti damag kadagiti opisyal nga impormasyon.
Impakaammo pay ti nasao nga ahensya nga awan ti nairekord nga kaso ti nasao a sakit iti pagilian a Pilipinas.
Iti agdama, nailista ti nasao a sakit iti 23 a pagilian.
Sigun kenni DOH spokersperson Undersecretary Albert Domingo, agingga awan pay laeng ti balaag manipud World Health Organization ken dadduma pay nga international a grupo, awan ti kasapulan a pagdanagan. //bombokaren.c.s
