Nangipila ti Department of the Interior and Local Government (DILG), iti kaso kontra kenni Bamban City Mayor Alice Guo, gapu iti mapapati nga adda pakainaiganna iti Philippine Offshore Gaming Operator (POGO) iti masakupanna a lugar.
Sigun kenni Department of the Interior and Local Government (DILG), Undersecretary Juan Victor Llamas, immunan a naipila ti kaso iti opisina ti Ombudsman idi May 24.
Nangitunda met daytoy iti pannakaipaulog ti permit iti Hongsheng Gaming Technology Inc., iti baet a saan pay a nakumpleto ti nasao a kompanya dagiti requirements ken mapapati a nag-expired ti permit wenno licensya dagitoy manipud iti Pilipinas babaen ti Amusement and Gaming Corp. (PAGCOR).
Gapu iti daytoy, patien ti nasao nga ahensya a mangitunda daytoy iti preventive suspension ni Guo.
Kabayatanna, impetteng ni President Ferdinand “Bongbong” Marcos Jr., a kasapulan pay ti naan-anay a pannaka-imbestigar daytoy.
