BAGUIO CITY – Impeksa dagiti vendors ti siudad ti saanda a panangtubngar iti singasing a maipasidong ti merkado publiko iti rehabilistasyon iti maysa a kondisyon.
Iti panakiuman ti Bombo Radyo Baguio, kinunana ni Manuela Cruz, dadaulo ti vegetable section, suportaranda ti panggep ti lokal a gobyerno a mapabaro ti public market tapnu maipaay ti nalinis ken nalawa nga espasyo tunggal stalls.
Nupay kasta, isingsingasing dagitoy a saan koma a mall ti agbalin a langa ti maibangon a merkado publiko gaputa dagiti laeng nababaknang ti makagatang kadagiti produkto.
Kinunana a kiniddaw ni Mayor Benjamin Magalong ti suhestiyon dagitoy seknan iti agbalin a langa ti merkado publiko rason ti panangsimuterda iti tallo a drawing wenno sketch a tarigagayda a maipasdek.
Inlawlawagna nga iti kanito a maibangon ti mall ket saan a mamintener ti nalawa a distansiya agsipud ta dumanon laeng iti maysa agingga kagudwa a metro ti eskinita nu ikumpara iti vegetable section, bagasan ken hanger market a nalawa.
Malaksid iti dayta, kinunana nga awanen ti magatang a nababa a produkto kas koma iti frozen fish a magatang laeng iti singkwenta, asin ken paminta a magatang laeng iti tallo agingga lima peso iti kanito nga agbalinen a mall ti merkado publiko
