Manamnama a maipatungpal manen ti programa ti Department of Trade and Industry idiay Kalinga ita a bulan ti Hunio a Diskwento Caravan kas paset ti maika-duapulo ket tallo (23rd) a tawen ti Matagoan Festival ti siudad ti Tabuk.
Magatang dagiti basic goods ken dadduma pay a produkto nga addaan iti discounted prices manipud Hunio 23 agingga 25 iti sango ti maysa a pagadalan idiay Tabuk City.
Panggep ti caravan a mangipaay ti nababa a presio iti publiko nangruna dagiti nankukurapay nga indibidual.
Malaksid iti panangipalubos kadagiti “consumers” wenno “buyers” a makaurnong ti ad-adu a gatangenda, agserbi pay kas paglakuan dagiti Micro, Small and Medium Enterprises wenno MSME iti probinsia a paglakuanda kadagiti produktoda.
Gapu iti daytoy, guguyuguyen ti nasao nga ahensia idiay Kalinga a gundawayan ti publiko ti oportunidad.
