Nagballaag ti Department of Health kontra iti maatap a mailaklako nga imported a monkeypox vaccines iti pagilian.
Maibasar iti advisory ti Department of Health, nakaawatda iti impormasyon nga adda ti mailaklako nga mpox vaccines a nagtaud iti sabali a pagilian, rason a nasken a saan a gatgatangen dagitoy ti publiko gapu ta saan daytoy a dimmalan kadagiti regulatory agencies kas iti Department of Health ken Food and Drug Administration (FDA).
Impeksa pay ti nasao nga ahensya a dagiti bakuna iti mpox ket rumbeng a maikarga iti nasayaat nga storage kasta met nga insuhestiyonda a nasaysayaat nu agala ti publiko iti bakuna nu daytoy ket nagbalinen a ligal iti pagilian a Pilipinas tapno maipasigurado a natalged ken epektibo daytoy.
Maipalagip a ti kadawyan a simtomas ti mpox ket ti skin rash, panagsakit ti ulo, panagsakit iti bagbagi ken kinaawan iti gana.
Kabayatanna, dumanonen iti sangapulo ket lima ti datos ti aktibo a kaso ti mpox irti pagilian kas maibsar iti kaudian a datos ti Department of Health.
