Itantandudo ti Department of Science and Technology dagiti nagduduma a technology innovations a mabalin a mangkissay kadagiti plastic a basura.
Dayta ti inyunay-unay ni Dr. Nancy A Bantog, Regional Director ti Department of Science and Technology -Cordillera kabayatan ti naipatungpal a Kapihan itay laeng nabiit.
Sigun kenni Dr. Bantog, adda ti DOST industrial technology and development institute nga agtultuloy nga ag ar-aramid kadagiti nasao a teknolohiya.
Ti nasao nga institute ket panggepda a maipaayan iti solusyon ti nasurok dekada a parikut seknan iti panangaramat kadagiti plastic.
Kinuna met ni Assistant Regional Director Pepita Picpican iti DOST-CAR nga adda ti teknolohiya para iti solid waste management tapno maipaayan iti solusyon ti parikut iti plastic waste.
Innayon ni Picpican a maysa a teknolohiya ket ti plastic densifier nu sadino matunaw dagiti plastic ken agbalin dagitoy a baro a produkto kas iti plastic chairs.
Malaksid iti dayta, maysa metlaeng nga itantandudo dagitoy ket dagiti teknolohiya nga araramiden dagiti estudyante ken babaen iti tulong ti consultants ken experts manipud iti Department of Science and Technology ket mapaspasayaat dagiti nasao a teknolohiya.
Mainaig iti dayta, kinuna ni Picpican a malaksid kadagiti nasao a teknolohiya, inaynayonda metlaeng iti adbokasiya dagitoy ti pannakakissay iti plastic packaging materials kadagiti nagduduma a produkto no sadino itantandudoda ti pannakaaramat dagiti paper packaging materials.
