Nawayawayaan idi kalman, March 24 ti driver ti isuzu forward truck a nangbanga iti sumagmamano a lugan idiay Badiwan, Poblacion, Marcos Highway itay kanikadwa.
Napalubusan ti nasao a driver kalpasan nga awan ti naipila a kaso kontra kenkuana.
Maksid iti dayta, nagleppas ti reglamantary period para iti lawful detention daytoy.
Maibasar iti report ti pulisya, adda paylaeng iti morgue ti bangkay ti pimmusay a ni Edward Hazel Pacis Hufana, agtawen iti 30, single, cook ken residente sadiay San Fernando City.
Kabayatanna, nakaruar metten iti pag-agasan dagiti lima nga indibidual a nadangran.
Maipalagip a napasamak ti insidente itay kanikadwa, March 22, 2025 no sadino, sumagmamano a lugan ti nadadael kalpasan a na loose break ti nasao a truck rason a nadungpar dagiti sarsarunoenna a lugan ken dagiti nakaparada.
Gapu iti aksidente, pimmusay ti motorcycle rider a ni Hufana bayat a pito nga indibidual ti naospital.
Karaman kadagiti naitaray iti ospital ti driver ti nasao a truck bayat a naglibas dagiti dua a pahenante..//Bombo Genzel Depayso
