Agtultuloy pay laeng ti pannakaipatungpal ti dry run iti traffic lights iti siudad ti Baguio.
Iti ekslusibo a pannakiuman ti Bombo Newsteam kenni PltCol. James Allen Dogao, dadaulo ti Traffic Enforcement Unit ti Baguio City Police Office a nailaylayon daytoy gapu ta idi immuna a naipatungpal ti nasao a dry run, aglepleppas ti klase ken kadawyan nga unibersidad ken awanen klase da , rason tapno maextend ti dry run agingga ita.
Innayon met daytoy nga agtultuloy latta ti koordinasyon dagitoy iti City Engineering Office kasta metlaeng ti akin proyekto ken dadduma pay nga involved.
Impetteng pay daytoy a ti maala a datos ket maipatulod iti partner company idiay abroad sakbay a maisubli iti siudad nga isu metten ti agbalin a basaran para iti final phasing ken rotation ti traffic lights.
Malaksid iti dayta, pasingkedan metlaeng ti datos dagiti agbalin nga observasyon tapno mapasayaat pay to gunay ti trapiko iti siudad.
Kinunana pay a paturong metten ita iti digitalization ti siudad ken nasken a maaramat ti advantage daytoy para iti pagsaaayatan ti publiko.
Impeksa ni PltCol. Dogao nga adda latta dagiti sumamano a karit a nasango dagitoy kas iti kinaadu ti lugan a magmagna iti maymaysa nga intersections wenno iti O-Shape no sadino sigun kenkuana, banag a nakakigtutan dagiti partner companies dagitoy.
Sigun iti opisyal, 60-70% ti kaadu iti lugan a magmagna iti O-Shape Intersection no sadino nu ikumpara iti sabali nga intersections iti siudad, nangato ti nasao a bilang.
Inlawlawag daytoy a marigatan ti sensor a mangcalculate iti datos gapu ti daytoy. Innayon pay daytoy a maysa metlaeng kadagiti karit a sangsangwenda ti coordination ti amin a traffic lights.
Nupay kasta, nakasagana met latta a kanayon dagitoy a tumulong iti pannakapasayaat ti gunay ti trapiko.
Immuna met nga impeksa ni Pltc. Dogao a dakkel ti tulong nu mapasayaat dagiti traffic lights no sadino adadda nga agbalin pay nga stretegic ti pannakadeploy dagiti kapulisan.
Mangnamnama met dagitoy a babaen iti dry run ket mapasayaat pay ti gunay ti trapiko iti siudad. //via Bombo Noveh Organo