BAGUIO CITY- Naarestar ti dua a babai kalpasan a tinakawanda ti 30-anyos a driver idiay Magsaysay Avenue, Kagitingan Barangay, Baguio City itay nabiit.
Saan a dinakamat dagiti otoridad ti nagan dagiti suspek ngem dagitoy ket agtawen iti 38-anyos, masseur, residente ti Suyic, Caponga, Acop, Tublay ken 42-anyos years old, awanan trabaho ken residente ti Upper Pinget, Baguio City.
Maibasar iti imbestigasion dagiti awtoridad, inawis dagiti suspek ti lalaki ken ti maysa pay a kaduana tapno agpamasahe ngem nagkedked dagitoy.
Nupay kasta, napilit ti biktima nu sadino maatap a ginundawayan dagiti suspek nga inala ti walletna.
Iti baet daytoy, nadlaw ti biktima a mapukpukaw ti walletna ngem pinaglibakan dagiti suspek a dagitoy ti nangala.
Dagus met a nagkiddaw ti biktima iti tulong manipud iti maysa a kameng ti Baguio City Police Office.
Gapu iti dayta, narekober manipud kadagiti suspek ti wallet ti biktima a naglaon iti kuarta, driver’s license ken dadduma pay.
Iti agdama ket imet itan dagiti awtoridad dagiti suspek para umno a dokumentasyon ken disposisyon.//mp4 via Bombo Genzel Depayso
