ABRA- Nabigbigen dagiti biktima iti napasamak a dua a nagsina a pammaltog idiay Bangued, Abra idi laeng kalman ken idi Huwebes, June 13,2024.
Ti biktima iti napasamak a pammaltog idiay Bangued, Abra idi laeng kalman ket ni Demy Peralta, maysa a construction worker ken residente iti Barangay Calot.
Maibasar iti report, nakalugan ni Peralta iti maysa a van nga imanmaneho ti bayawna a ni Barangay Calot Chairman Robert Bio kadua da ti kabsatna a da Benson ken Raymart idi napasamak ti pamaltog idiay Sitio Silag, Barangay Calot iti oras ti alas syete iti bigat.
Pimmusay ni Peralta kalpasan a nagsagrap daytoy iti adu a bala bayat a dagiti kakadua daytoy ket naitaray da iti maysa a pagagasan.
Kabayatanna, nabigbig met ti maysa a biktima iti napasamak a pammaltog sadiay Sagap, Bangued, Abra idi rabii ti Huwebes, Hunio 13, 2024.
Nabigbig daytoy a ni Ronald Dumalen, 36-anyos naasawaan, maysa a mannalon ken residente iti nasao a lugar.
Iti inisyal nga imbestigasyon, maatap a pinaltogan daytoy ti kaarubana a ni Isidro Baoit no sadino nagaramat daytoy iti caliber .45 pistol.
Iti agdama, manarimaan paylaeng ti follow-up investigation kadagiti agpada nga insidente tapno maamuan ti rason ti napasamak a pammaltog.//Rose
