Nakemmeg dagiti dua nga indibidual pakairamanan ti maysa a lalaki, naasawaan ken agtawen iti uppat a pulo ken residente sadiay Dagupan, Pangasinan ken ti maysa a babae, agtawen iti tallo pulo ket lima, awanan trabaho ken residente metlaeng iti nasao a lugar bayat ti insayangkat dagiti otoridad a Buy-bust operation idiay Tawang-Ambiong Road, Brgy. Tawang, La Trinidad, Benguet ita nga aldaw.
Nakumpiskar manipud kadagiti suspek ti 45 grams ti maatap a shabu nga aggatad iti P306,000.
Nakumpiskar metlaeng manipud kadagiti suspek ti maysa a pidaso ti genuine Five Hundred Peso, 119 a pidaso ti Five-Hundred-peso bill a Boodle Money, maysa a pidaso ti crampled paper ken maysa nga android phone.
Iti agdama, addan iti kostudiya ti Special Operations Unit-Cordillera dagiti suspek para iti umno a documentasyon.
Naipama metten dagiti amin nga ibidensia iti Regional Forensic Unit CAR para iti laboratory examination.
Balligi ti operasion babaen iti panangidaulo iti Philipiine National Police Drug Enforcement Group- Special Operations Unit CAR, PNP DEG (Lead Unit), La Trinidad Municipal Police Station, Benguet PIU, Regional Drug Enforcement Unit PRO-CAR ken PDEA CAR.
