--Ads--
KUWAIT- Kritikal ti kasasaad dagiti dua nga Overseas Filipino Workers kalpasan a nauram ti pasdek a pagiiyanan dagitoy idiay Kuwait idi laeng kalman.
Sigun kenni Overseas Workers Welfare Administration (OWWA) Administrator Arnell Ignacio, addan dagiti dua iti intensive care unit iti Adan Hospital.
Nabigbig met dagitoy a da Julio Cabrera Montemayor ken Michael Dizon no sadino mangmangged dagitoy kas foreman ken engineer iti nasao a pagilian.
Impasigurado met ni Ignacio ti tulong para kadagiti nasao nga Overseas Filipino Workers.
Kinunana a naipakaammo metten daytoy kadagiti pamilya dagiti biktima bayat a dagus met a nagturong dagiti maseknan nga opisyal iti nasao nga hospital tapno kitaen ti kasasaad dagitoy.//Rose
