BAGUIO CITY – Nagbiahen paturong idiay Japan ni former MMA World Champion Eduard “Landslide” Folayang para iti naituding a laban daytoy inton Marso 23.
Kalabanen ni Folayang ni former ONE Lightweight World Champion Shinya Aoki ti Japan iti lightweight MMA tilt iti maikappat a gundaway.
Maipalagip a naangay ti umuna a laban dagiti dua idi November 2016 nu sadino nangabak ni Folayang babaen iti Technical Knock Out.
Nupay kasta, iti maika-dua ken maikatlo a laban dagitoy idi March 2019 ken April 2021 ket nangabak ni Aoki babaen iti submission.
Gapu iti daytoy, iggem ni Aoki ti iskor a 2-1 kalpasan ti back-to-back win daytoy kontra iti Filipino MMA icon.
Maibasar iti ladawan nga impablaak ni Folayang, kadwana a nagbiahe da undisputed ONE strawweight world champion Joshua “The Passion” Pacio ken Honorio “The Rock” Banario.
