Umap-apela ni Education Secretary Juan Edgardo ” Sonny” Angara kadagiti lokal a gobierno ken nagannak a saanda a basta-basta a mangsuspinder iti klase uray nakapsot ti tudo.
Sigun kenni Angara, adda ti negatibo nga epekto ti masansan a pannakakanselar ti klase iti panagadal dagiti estudiante.
Gapu iti dayta, kidkiddawenna iti publiko, nagannak ken estudiante a saanda unay nga i-pressure ti lokal a gobierno ken chief executives, a mangsuspender iti klase no mapasaran ti nakapsut a tudo.
Sigun pay iti nasao nga opisial, bilbilinen ti Department of Education (DepEd) dagiti pagadalan a mangisayangkat iti make-up classes tapno masigurado a makumpleto dagiti estudiante ti oras dagitoy iti panagadal.
Iti baet dayta, inyunay-unay ni Angara a saan a kasapulun ti make-up classes iti weekends agsipudta, depende daytoy iti availability dagiti manursuro.
