BAGUIO CITY- Kimmapoy iti 4.4% ti ekonomiya ti Cordillera idi napalabas a tawen no idilig idi tawen 2019.
Sigun kenni Philippine Statistics Authority (PSA) Cordillera Regional Director Villafe Alibuyog, nagun-od ti P321.7-B a regional economy idi tawen 2019, nangatngato daytoy no idilig iti P289.9-B a naerekord idi napalabas a tawen.
Gapu iti dayta, puntiryada a maartapan ti 11% a growth rate ti rehiyon tapno magun-od manen ti regional economy a nailista idi tawen 2019 ken saan a bumaba iti nailista idi 2020.
Patien ni Alibuyog a resulta daytoy ti lockdown, quarantine restriction ken pannakaiserra dagiti accommodation facilities, manufacturing companies, food businesses ken transportation services nga impaulog ti gobyerno gapu iti COVID-19 pandemic.
