Impakaammo ti Philippine National Police (PNP) a dumanonen iti uppat a pulo nga insidente ti nabigbig nga election related incidents iti Pilipinas.
Sigun iti Philippine National Police, dua pulo ket innem kadagitoy nga insidente ket “violent” ken sangapulo ket uppat ket “non-violent”.
Walo kadagiti nasao nga insidente ket naireport sadiay Bangsamoro Autonomous Region in Muslim Mindanao (BARMM), sarunuen ti Cordillera Administrative Region (CAR) nga addaan iti pito.
Tallo kadagiti navalidate a violent ket namonitor sadiay Zamboanga Peninsula bayat a dua met sadiay Cagayan Valley.
Kabayatanna, manarimaan paylaeng nga ival-validate dagitoy dagiti sangapulo ket pito a maatap nga election related incidents sadiay Ilocos Region, Calabarzon, Bicol Region, Western Visayas, Zamboanga Peninsula, Northern Mindanao, Davao Region, ken BARMM.
Iti sabali a bangir, dumanon metten iti 2,923 nga indibidual ti naarestar a naglabsing iti election gun ban.
Kaaduan ket sadiay Metro Manila nga addaan iti 1,007, sarunuen ti Central Visayas a 380 ken Central Luzon a 360.
