BAGUIO CITY- Ad-adalen itan dagiti opisyales iti siudad iti Baguio ti financial assistance first time exam takers program para kadagiti fresh graduates ken aminen a college graduates.
Iti interview ti Bombo Radyo kenni Vladimir Cayabas, councilor iti Baguio City, panggep ti nasao a programa a guyuguyen dagiti college graduates nga ag-exam tapno matulungan dagitoy iti pinansyal nga usarenda para iti panagaplikarda iti kayatda a pag-examan ken tapno maiyaplikar dagitoy dagiti inadalda a kurso.
Gapu iti daytoy, manamnama a maangay ti public consultation ita nga aldaw tapno mapagtalantanan dagiti kasapulan nga aramiden para iti daytoy.
Dagiti makipaset ket pakairamanan dagiti Sangguniang Kabataan officials, committee on education, Baguio City Social Welfare Development office, ken dadduma pay a maseknan nga opisina tapno maala dagiti kapunutan ken komento dagitoy.
Karaman metlaeng a mapagtatalantanan iti nasao a public consultation dagiti pundo para iti daytoy a programa.
