Posible a marugyan ti panakaiyaplikar ti free meal program kadagiti college students manipud kadagiti tallo a nabigbig nga universities kas ti University of Baguio, University of the Cordilleras ken Saint Louis University iti siudad ti Baguio inton Setyembre iti agdama a tawen.
Sigun kenni Johnrey Mananeng, author ti free meals program para kadagiti kolehiyo iti siudad ti Baguio wenno ti Ordinance no. 96 series 2023, panggep daytoy a mangicater iti 100 qualifiers nga estudyante para iti nasao a programa.
Kinunana nga iti kanito a maalada ti target dagitoy a 100 nga estudyante ken no adu pay ti agaplikar ket possible nga amyendaran ti existing ordinance tapno manayunan ti bilang dagiti mabalin a maka-avail iti nasao a programa ken tapno manayunan ti pundo para iti daytoy.
Ti nasao a programa ket nairanta para kadagiti estudyante a makapaspasar iti involuntary hunger.
Impetteng ni Mananeng a rumrumwar babaen iti research a naipatungpal nga 2 out of 10 dagiti estudyante iti siudad ti Baguio ti makapaspasar iti involuntary hunger.
Inlawlawagna a pay a tallo laeng nga unibersidad ti napili para iti panakaiyemplementar ti nasao a programa gaputa naka-pilot testing paylaeng dagitoy.
Nupay kasta, iti kanito a successful daytoy ita a tawen ket mabalin a ma-expand daytoy para kadagiti dadduma pay nga unibersidad.
Mainaig ti dayta, ti free meals ket maipatungpal babaen ti food vouchers para kadagiti kwalipikado nga studyante para iti makabulan.
Daytoy a food vouchers ket agserbi kas stab a pangclaim-da kadagiti free meals nga addaan katukad a P2500.00.
Kabayatanna, dagiti kwalipikasyon para ti free meal program ket dagiti residente iti syudad ti Baguio nga studyante a karaman iti low ken indigent families.//Bombo Noveh Organo
