BAGUIO CITY – Naipanamnama ti full bast nga operasyon dagiti lugan manipud iti transport group nga Irisan Jeepney Operators and Drivers (IJODA).
Maipatungpal daytoy iti kanito a maiplementar ti temporary fare increase.
Iti pannakiuman ti Bombo Radyo kenni Mr. Edmind Losnong, general manager ti Irisan jeepney operators and drivers (IJODA) , kinunana a daytoy ti napagnunumuanda kalpasan nga immanamong dagiti residente ti purok 6 agingga purok 18 iti naipatungpal a public consultation seknan iti temporaryo ken naisingasing a fare increase.
Inlawlawag ti opisyal a kasapulan nga umanamong nga umuna dagiti residente iti naisingasing a fare increase.
Kalpasan dayta, aramiden dagiti ti Kapitan dagitoy ti resolution seknan iti napasamak a public consultation sakbay a maisubmitir iti opisina ti Land transportation and regulatory board (LTFRB)
Impetteng ni Mr. Losnong a maimplementar latta daytoy, agprobaran man ti LTFRB wenno saan.
Inlawlawag daytoy a temporaryo laeng ti implementasyon ti fare hike agsipudta, kasapulan metlaeng a pomabor ti kaaduan.//Bombo Noveh Organo
