Manamnama a mangipatungpal ti Senado iti “full briefing” manipod iti Department of Foreign Affairs (DFA) maipapan iti kaudian nga insidente iti Ayungin Shaol iti nagbaetan ti tropa ti Pilipino ken kameng ti Chinese Coast Guard a nakadangran ti pito a Pilipino.
Daytoy ti kinuna ni Senate President Francis Escudero ita nga aldaw.
Iti statement, impeksa ni Escudero ti pakaseknanna iti ngumatngato a tension idiay West Philippine Sea (WPS).
Sigun kenkuana, makapaalarma ti tension a mapaspasamak sadiay isut gapuna a kasapulan a maipatungpal ti “full briefing” tapno marisut ti pakaseknan.
Kabayatanna, imbilinna iti Armed Forces of the Philippines a mangkitada ti alternatibo a wagas tapno makaipaay dagitoy ti abasto idiay BRP Sierra Madre.
Kinunana a rumbeng a maipasigurado a masuplayan dagiti Pilipino nga agbanbantay sadiay bayat a saan a madangdangran dagitoy.
