Posible a dumanon iti P27 billion ti magastos para iti panakaaramid ti baro a senate building idiay Fort Santiago, Taguig.
Daytoy ti kinuna ni Department of Public Works and Highways (DPWH) Assistant Secretary Antonio Molano Jr. kabayatan ti senate hearing iti Senate building project nu sadino mapatta-patta nga agarup P20 agingga P27 billion ti magastos gapu ta mairaman ditoy ti cost of land kasta met ti inflationary cost.
Innayon ni Molano Jr. a ti inflationary cost ket mabalin a 20% agingga 25%.
Impakaamo met ni Senator Peter Alan Cayetano, dadaulo ti Committee on Government Corporations and Public Enterprises ti breakdown ti construction cost ti baro a senate building nu sadino ti Phase I para iti core ken shell ket agkasapulan iti P8.9 billion, Phase II para iti fit-out ket agkasapulan iti P2.5 million, Cost of Land a P1.7 billion, Phase III wenno ti completion ti pasdek ket agkasapulan iti P10.33 billion.
Kabayatanna, kinuna ni Senate President Francis “Chiz” Escudero a ti cost of construction ti senate building a P23 billion iti agdama ket tallo beses a nangatngato nu idilig iti orihinal a budget a P9 billion.
