Kidkiddawen ti grupo dagiti non government organization iti United Nations Human Rights Council a mangisayangkatti emergency session wenno panagtaripnong tapno mangituding ti imbesigasion seknan iti panangbuso nga inaramid ti Israel ken Hezbollah idiay Lebanon.
Ti Israel ken ti Lebanese armed group a Hezbollah ket agsusupiat iti nasurok maysa a tawen.
Limmawa ti gubat idiay Gaza kalpasan a nangipatayab ti rocket ti Hezbollah idiay Israel kas panagsuportada ti kaalyado dagitoy a Hamas.
Gapu iti agtultuloy a gubat a napasamak idiay Lebanon, nasurok 3,000 nga indibidual ti pimmusay a naireport sipud idi Oktubre 2023.
Iti surat a naipatulod iti “diplomatic missions,” 12 a NGOs pakairamanan ti Human Rights Watch and Amnesty International a mangguyguyugoy iti panagtignay a mangimbestigar iti napamasak a kas iti panangipatayab dagiti Israeli ti panagatake kadagiti pasdek a kas ti babbalay ken ospital.
Sigun kenni Geneva, Lebanon ambassador Salim Baddoura, ti panagtaripnong ket posible ngem kinunana nga agdesision paylaeng ti Beirut.
Kabayatanna, inlawlawag dagiti militar ti Israel a pinadasda a liklikan a dangran dagiti sibilian ngem kinunada a dagiti Hamas ken Hezbollah fighter ket aglemlemmeng kadagitoy.
Awan ti ligal a bileg dagiti opisial ti United Nation ngem addaanda ti kabaelan a mangimandato ti imbestigasion tapno makaalad ti dokumento ti panangabuso.
