Impanamnama ti abogado ni Henry Alcantara nga awan ti gandat ti dismissed Bulacan district engineer a pumanaw iti pagilian kagiddan ti isyu a sangsangwenna gapu iti pakainaiganna kadagiti maatap a naanomalyaan a proyekto iti nasao a lugar.
Sigun kenni Allan Dueñas, ipaay ni Alcantara ti kooperasyonna kadagiti maipatungpal a panagdengngeg maipapan kadagiti flood control projects iti distrito daytoy ken panggepna a dalusan ti naganna manipod iti kontrobersyal a ghost flood control projects.
Kabayatanna, minmintinirin ni Alcantara nga inosente daytoy kadagiti akusasyon kenkuana.
Patien dagitoy a rumwar metlaeng ti kinaagpayso inton madanon ti aldaw ken madalusan ti naganna kadagiti inladawanda a baseless accusations.
Maipalagip nga itay nabiit ket dinismisar ni Department of Public Works and Highways (DPWH) Secretary Vince Dizon ni Alcantara gapu iti disloyalty to the republic, grave misconduct, gross neglect of duty, ken conduct prejudicial to the best interest of the service.
