BAGUIO CITY – Nakasaganan dagiti hotels ken transient houses kagiddan ti manamnama a tourist arrival bayat iti panakabigbig ti Semana santa iti siudad ti Baguio.
Iti interview ti Bombo Radyo kenni Andrew Pinero, information officer iti Hotel and Restaurant Association of Baguio (HRAB), namnamaenda ti isasangbay dagiti turista ita nga aldaw agingga inton bigat.
Sigun kenkuana, sumagmamano kadagiti hotels ket 90% a nakasagana bayat a 99% ti Baguio County Club (BCC) agingga inton bigat.
Kinunana pay a naobserbaranda ti trend nu sadino kadawyan a sumangsangpetan dagiti bisita iti siudad ket Huwebes ken Biernes bayat a ti aldaw ti Sabado ket bumaba dagitoy nu sadino napintas gapu ta mabingay dagiti turista iti daduma pay a lugar-pagpasyaran.
Malaksid iti dayta, sumagmamano kadagiti reservations ket fully booked.
Gapu iti dayta ket mapalpalagipan dagiti turista nga agreserve dagitoy ti pagdagusanda sakbay a sumangpetda iti siudad.
Kabayatanna, mapalpalagipan pay dagitoy nga icheckda a nalaing nu lehitimo dagiti katratransact-da online para iti accomodation establishments tapno saan a maloko wenno ma-scam dagitoy.//Bombo Marinel Rodrigo
