BAGUIO CITY- Isingsingasing ni City Councilor Jose ” Joemol” Molintas, ti dadaulo ti Committee on Laws Human Rights and Justice ti pannakaaprobar ti human rights ordinance para seguridad ti entero a siyudad ti Baguio.
Iti interview ti Bombo Radyo iti nasao a konsehal, kinunana a panggep ti nasao nga ordinansa a maprotektaran dagiti umili iti siudad kontra kadagiti dakkes nga insidente.
Gapu iti daytoy, impettengna a kasapulan nga isardeng ti National Task Force to End Local Communist Armed Conflict (NTF-ELCAC) ti ar-aramiden dagitoy a red-tagging partikular kadagiti partylist wenno kadagiti politiko.
Malaksid iti dayta, impeksa ni Molintas a masapul nga adalen ti NTF-ELCAC dagiti pagannurutan dagitoy tapno maisardengen dagiti saan a nasayaat nga ar-aramidenda.
Impaganetget ti konsehal a masapul a maammoan ti Armed Forces ti kayat a saoen ti Human Rights agsipud ta awan ti karbengan dagitoy a mangred-tag kadagiti partylist. Innayonna pay a masapul a raemen ti NTF-ELCAC ken Armed Forces dagiti amin nga indibidual agsipud ta adda karbengan dagitoy.
