USA – Saan laeng a double nu diket quadruple ti ragsak para iti identical twin sisters a naikallaysa iti identical twin brothers idiay Estados Unidos.
Adu a match ti napasamak iti biag da Brittany and Briana Deane nu sadino manipud kaubing dagitoy ket saanda a mapagsina rason nu apay a nagbirok da ti maasawa da a twin brothers metlaeng.
Idi tawen 2017, nakipaset da Brittany ken Briana iti Twins Day Festival idiay Twinsburg, Ohio.
Ti nasao a festival ket maselselebraran tunggal umuna a weekend ti Agosto nu sadino pakipasetan daytoy dagiti biological twins, triples, quads, ken daduma pay.
Ditoy a naam-ammo da Brittany ken Briana ti twin brothers a da Josh ken Jeremy Salyers.
Kalpasan ti maysa a tawen ket naikallaysa ni Briana ken ni Jeremy, ken Brittany ken Josh iti agpada nga aldaw.
Iti agdama, agnanaed ti dua a couple kadwa da ti annakda iti maysa a balay idiay Bedford County, Virginia.
