BAGUIO CITY- Manarimaan ti imbestigasion iti napasamak a vehicular accident sadiay Irisan, Baguio City idi kalman.
Ti nasao nga insidente ket pakairamanan ti maysa a passenger mini bus nga iman-maneho ti agtawen iti 53, naasawaan ken agdama nga agnanaed sadiay Cypress purok 3, Irisan Baguo city.
Nadangran metlaeng ti maysa nga indibidual nga agtawen iti 71, lalake ken residente ti purok 1, Irisan, Baguio city.
Maibasar iti initial nga imbestigasyon ken panakiuman ti Bombo Radyo iti maysa a pulis ti Station 9, paturung ti driver iti Lamtang manipud city proper idi killaat a nagballasiw ti biktima.
Naawanan iti puot ti nasao a biktima gapu iti panakadangran ti ulona.
Dagus a naitaray daytoy iti Baguio General Hospital and Medical Center babaen kadagiti nagresponde a kameng iti Bureau of Fire Protection- Irisan.
Temporaryo a naipaima ti driver iti ikot ti pulisya bayat a manarimaan paylaeng iti kanayunan nga imbestigation.
Iti agdama, addan iti nasayaat a kasasaad ti biktima ngem under observation paylaeng daytoy.//Bombo Noveh Organo
