--Ads--
Manarimaan ti imbestigasyon iti napasamak a forest fire sadiay Purok 4A Acapulco, Lucnab, Baguio City itay laeng malem.
Iti pannakiuman ti Bombo Radyo iti Bureau of Fire Protection-Baguio, kinunada a naitawag laeng kadakuada ti nasao nga uram 5:59 itay metlaeng.
Dagus met a nagresponde dagitoy ngem idi nakadanunda iti nasao a lugar ket nasebsebanen ti uram.
Sigun kadakuada, mapattapatta nga agarup 500 square meters ti kalawana ti naapektaran iti daytoy.
Iti agdama, saan pay a naipakaammo ti rason iti nasao nga uram.
