Impaiman ti Independent Commission on Infrastructure (ICI) iti Office of the Ombudsman dagiti dokumento mainaig iti imbestigasion daytoy iti naanomalyaan a flood control projects iti pagilian.
Kasaruno daytoy iti kinuna ni President Ferdinand Marcos Jr. a tinungpal ti komisyon ti panggep daytoy.
Iti nasao a pannakaisubmitir dagiti dokumento, dua a truck ti polisya ti nangisangpet kadagiti dokumento iti Office of the Ombudsman sadiay Quezon City idi March 12, 2026.
Kabayatanna, imbutaktak ni Ombudsman Jesus Crispin ‘Boying’ Remulla a nakaawat iti ‘intel report’ a mangibagbaga a maysa kadagiti ‘ladawan’ ti ‘suitcase delivery’ a nairaman iti joint-affidavit dagiti sigud a marines ket panawen paylaeng ni sigud a House Speaker Lord Allan Velasco.
Malaksid iti dayta, inwaragawag ni Remulla a panawen paylaeng ni sigud a President Rodrigo Duterte ti ‘maleta delivery’.
