Pinirmaanen ni Justice Secretary Jesus Crispin Remulla ti Immigration Lookout Bulletin Order (ILBO) kontra kenni suspended Bamban Mayor Alice Guo ken ti sangapulo ket pito a dadduma pay.
Sigun iti Department of Justice (DOJ) ita nga aldaw, naipaayen ti Immigration Lookout Bulletin Order (ILBO) iti Bureau of Immigration (BI).
Gapu iti dayta, narugian metten ti pannakaimplentar ti Immigration Lookout Bulletin Order (ILBO) nu sadinno, naibilin kadagiti opisial ti immigration a sikumatenda a nasayaat nu adda ti pending arrest warrant, panaglabsing, ken bantayanda ti pagturonganda apaman a padasen dagitoy a pumanaw iti Pilipinas.
Posible pay a maiyaplikar ti “preventive hold departure order” kontra kadagiti nasao nga indibidual.
Kabayatanna, kinuna ti Bureau of Immigration (BI) a ti manager ti na-raid a Philippine Offshore Gaming Operator (POGO) hub idiay Porac, Pampanga a nalappedan a rumuar iti Pilipinas ket karaman iti Immigration Lookout Bulletin Order (ILBO).
