Saan paylaeng a naipatulod iti opisina ni House Speaker Ferdinand Martin Romualdez ti dua nga impeachment complaints kontra kenni Vice President Sara Duterte.
Daytoy ket kinumpirmar ni House Secretary General Reginald Velasco.
Sigun kenni Velasco, nadamagda nga adda manen impeachment complaint a maipila kontra iti maikadua a presidente isu a maigiddan a mai-transmit daytoy iti opisina ti house speaker.
Kinunna ni Velasco a punitirada nga inton sumaruno a lawas a maisubmitir ti impeachmen complaints iti opisina ni Romualdez, maipaay man wenno saan ti maikatlo nga impeachment complaint kontra kenni Vice President Sara.
Nadakamat ni Velasco nga iti agdama ket ad-aalen ti legal team daytoy ti immuna a dua nga impeachment complaints kontra kenni Vice President Sara.
